المكونات:
1)بيكنج صودا..BAKING SODA
2)فوطه بيضاء بحجم كف اليد..موجودة فى اى محل للوازم الحمامات من فوط ومناشف..ومفاريك لكن تكون من قماش الفوط ..
الطريقه:
بعد الاستحمام العادى..ونكون متفركين كالعادة بالشاور جيل او صابون عادى..المهم الاستحمام العادى..بعد ماننتهى...والجسم رطب..من غير تنشيف...نحضر الفوطه البيضاء ونبللها..ونضع عليها قليلا من البيكنج صودا ونفرك الجسم كله وبالخصوص المناطق السوداء والدواعيس هههههههههههههههههههههه....ترفون شنو قصدى ..
والمناطق الحساسه....والركب والابط..والخلفيه..وكل المناطق...والاقدام وحتى كعب القدم...
ممكن تحسون بلسعه لكنها طبيعيه...وبتشوفون الفوطه والله مابتصدقون انكم عمركم اخذتوا دوش...ههههههههههههههههه..ولاحظوا وانتو تتفركون لون الجسم قبل وبعد وبتستغربون جداااااااااااااااااا وبتدعون لى......
بعد ماتخلصون من كل المناطق...على طول نغسل الجسم بماء دافى ...ثم يلحقه ماء بارد جداااا
تتنشفون جيداااا......ثم....زيت اللوز ..نحضره..ومسجى الجسم به جيدا مع حركات دائريه فى كل مكان.....
وتكونون مجهزين بيجاما قطنيه..او تى شرت قطن مع بنطلون قطنى رقيق...ونامواا نوما هنيئا...
لما تصحون ثانى يوم...شوفوا البشرة النظيفه..الزبدة..الافتح...وحاولوا تستخدمون البيكنج صودا مرة فقط فى الاسبوع...ومع كل مرة البشرة افتح والذ الذ الذ...هههههههههههههه
وبتدعون لى.....
اخواتى عرايس العروس...قبل لا انسى البيكنج صودا هو مختلف عن البيكنج بودر لاتنسون...
البيكنج بودر...مال الكيك بيكون فيه..نشا وخميرة زياده على المكونات..وتاثيرهم على البشرة قوى فلا يفضل للدعك ولا للمناطق الحساسه...
واللى مايعرفون البيكنج صودا بانزلكم صورته ...
والبيكنج صودا...عرفت انه له فوائد رهيبه...
اولا: انه مطهر للفواكه..والخضار...يضاف لماء الغسل..وتنقع الخضراوات والفواكه فيه ثم بماء عادى ثم تؤكل..
ثانيا: انه مطهر ممتاز للمتزوجات والبنات ايضا...تخلطون مقدار ملعقه منه مع ماء دافىء..مقدار كوبين ..وتغسلون المنطقه الحساسه به جيدا من الخارج فقط....وهو ممتاز..لاى افرازات او التهابات فطريه او احمرار او حكه...وبعدين نغسله بماء فاتر..ثم تنشف المنطقه جيدا ..وسترون الفرق وقدرته على قتل الفطريات وازالتها تماما...وعرفت ان الاجنبيات لا يستخدمون كريمات للحساسيه والالتهابات فقط بيكربونات الصودا...وصدقونى حتى عندى وعند اهلى وصديقاتى اصبح من اللوازم المهمه فى الحمام ..يكرم السامع
ثالثا:هو يستخدم لتلميع الاحواض ..والبانيو..والاطباق الصين..حيث له خاصيه التلميع وازاله الترسبات
انا طولت.....وعندى خلطات كثيرة....وكلها مجربه على بنت عذارى وعلى اهلها فلا خوف ...بس اشوف التقبل منكم..والتجاوب مع موضوعى ....ثم بنزل باقى الخلطات الرهيبه......يالله ورونى الهمه والمشاركه.....وبافيدكم بكم هائل من خلطات رهيبه..على ضمانتى ارجووووووووووو الردود الحلوة
