فى القهوه
صعيدى .. دش
صعيدى ..جهار يك
الاول ..دش والله
الثانى ..لا على الطلاق دى جهار يك
صاحب القهوه لصبيه.. شيل الشطرنج من قدامهم يابنى
(ملحوظه.. اللعبه دى شطرنج مش طاوله)
____________________________
شاويش بيلف نص الليل لقى صعيدى شايل باب خشب ساله عنه فرد...
_كنت سهران عند جماعه بلدينا قالولى خد الباب فى ايدك وانت ماشى
_______________________________
اخد الاراجوز يهز طرطوره الاحمر سعيدا وهو يلقى النكات بصوته الاخنف الرفيع وبالطبع كان موضوع النكات حبايبنا اللى ميحلاش النكت من غيرهم ووسط ضحكات الجمهور قفز احدهم اللى المسرح صائحا ...
_ايش قله الادب دى انتوا جايين تضحكوا الناس ولا تتمسخروا بيهم الصعايده دول جزمهم برقبتكوا يا اولاد ال......وبعدين نص الى قاعدين هنا الصعايده
شعر المهرج الزى يحرك يحرك الاراجوز انه عك وان نهايته قد تكون علقه من الصعايده فخرج من وراء مسرحه المتنقل مزعورا
_انا اسف جدا يا جماعه والله مش قصدى والصعايده دول اجدع ناس
فرد الصعيدى الغاضب ..
_وانت مالك انت انا باتكلم على ابن الكلب ابو طرطور احمر ولسان عايز قطعه
_________________________________________
(فى صيدليه وباجتماع مجموعه من الصيادله حدث الآتى )
دخل علينا رجل صعيدى وسأل بجديه شديده
_عندك دخل عدل؟؟
لم يفهم احد ما يريد وبدأنا نخمن دون جدوى وافتى احد الصيادله بأن عدل هزه تعنى عضل وأنه يريد حقنه فى العضل وبسؤاله عن نوع الحقنه رد غاضبا..
_حجنه ايه ؟ انا عايز دخل عدل
_يعنى ايه دخل عدل؟
_شنبر داخلى عدل
_قصدك شنبر داخلى بتاع كاوتش عربيات؟
_عليك نور
_بس يا بلدينا دى اجزخانه
_يعنى ولا لع؟
________________________________
(صعيدى وصيدلى اخر )
_ عندك سجاير مالوبورو
_لا يا سيدى دى اجزخانه
_طب ولا سوبر
______________________________________
والكوميديا لاتتوقف عند شراء ما يباع فى الصيدليات بل حتى فى شراء الادويه وما اثار دهشتى رد فعل الصيدلى الزى يتعامل مع هزه المواقف كأنها شىء طبيعى يحدث يوميا
_عايز حبوب صداع من اللى بياخدها عمران البقال
_هو عمران بياخد حبوب اسمها ايه؟
_انت ما تعرفش ؟ ده الدكان بتاعه دنبكوا (اى _جنبكوا ) لزق
_اعرف عمران بس معلش انا مش فاكر دوا الصداع اللى بياخدوا هوه شكله ايه
_حبايته بمبى
_اه يبقى بياخد اوبتاليدون
________________________________________________________
اكتشفت سيده مصباح علاء الدين وفركته بحماس فخرج منه الجنى صائحا
_شبيك لبيك عب....
_سيبك من الكلام ده حافظينه انا عايزه اقول التلات امانى بتاعتى بسرعه
_ماشى كلامك بس الامانى عشان تتحقق ليها شرط
_خير اللهم اجعله خير
_اى حاجه تطلبيها لنفسك جوزك حياخد عشره اضعافها
_يا راجل خضتنى >> موافقه اول امنيه عاوزه ابقى اجمل ست فى العالم
_حاضر بس خدى بالك جوزك حيبقى احلى راجل فى العالم هو كمان والستات حيجروا وراه
_وايه يعنى ماهو مش حيلاقى فيهم اجمل منى>> نفز وانت ساكت
_امرى لله وفى ثوانى بقت اجمل امرأه فى العالم
_الطلب الثانى عايزه ابقى اغنى ست فى العالم
_خدى بالك جوزك حيبقى اغنى منك عشر مرات
_انت بتتكلم كتير ليه >>ما انا عايزه كده هوه فيه فرق بين مالى ومال جوزى ؟
_حاضر وفى ثوانى بقت اغنى ست فى العالم
_الامنيه التالته >>انا حاطلع عالمستشفى دلوقتى حالا اول ما اوصل عايزه تجيلى ازمه قلبيه خفيفه
____________________________________________________
رقد الرجل على فراش الموت ونظر اللى زوجته وابنائه الاربعه كان ثلاثه منهم يتسمون بالوسامه وطول القامه بينما الرابع قصير القامه قبيح الخلقه>> أمر الرجل بخروج الابناء وسأل زوجته
_لازم اعرف الحقيقه قبل ما اموت ارجوكى ردى على بصراحه وانا مسامحك الولد الرابع ده يبقى ابنى ؟
_والله ابنك ومن صلبك وربنا شاهد على الكلام ده
_كده اقدر اموت وانا مستريح>> ثم اسلم الروح تنهدت المرأه وهى تقول
_الحمدلله ما سألش على الثلاثه الباقيين
______________________________________
واحده بخيله بعثت ابنها يشترى تلات ارغفه عيش (لها ولابوه وله )وعند عودته بالأرغفه وجدها تنتظره ملهوفه فى الشباك صائحه ..
_رجع الرغيف التالت ابوك مات
_________________________________________________
دمياطى بعت ابنه يستلف الشاكوش من الجيران لف ساعه مالقاش رجع يقول لابوه قاله >> طب هات الشاكوش اللى عندنا
__________________________________________
اتنين تلاميز دخلوا الفصل متأخرين سأل المدرس احدهما عن السبب
_اصل شلن وقع منى قعدت ادور عليه ما لقيتوش
فالتفت للتلميز الثانى فأجاب بعد تردد
_اصلى كنت واقف على الشان بتاعه
___________________________________________
بينما ثلاثه يشربون عصير القصب سقطت زبابه فى كوب كل منهم
الشرقاوى>> ركن الكوب على جنب وقرر ان يعزم الباقيين على قصب تانى
والمنوفى>> اراق بعض الشراب الزى سقطت به الزبابه وشرب الباقى
اما الدمياطى فصاح بالزبابه >> تفى اللى شربتيه يا بنت الكلب
_
النكت دى منقوله....وسورى ع اللفظ الاخير
